Ólafsvíkurenni

Ólafsvíkurenni
Höfundur: Jónas Hallgrímsson

Frumprentun í Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847.

Ólafsvíkurenni (mynd tekin í ágúst 2008)

Riðum við fram um flæði

flúðar á milli’ og gráðs,

fyrir Ólafsvíkurenni,

utan við kjálka láðs.

Fjörðurinn bjartur og breiður

blikar á aðra hlið,

tólf vikur fullar að tölu,

tvær álnir hina við.

Hvurt á nú heldur að halda

í hamarinn svartan inn,

ellegar út betur til þín?

Eggert, kunningi minn!