Snorra Edda/Nafnaþulur

←Snorra Edda/Háttatal

Snorra Edda (13. öld)
Höfundur: Snorri Sturluson
Nafnaþulur

Snorra Edda/Skáldatal→

'Edda Snorra Sturlusonar Guðni Jónsson
bjó til prentunar

VIÐAUKI I.
Nafnaþulur

Sækonungar.

 

1.

Atli, Fróði,

Áli, Glammi,

Beiti, Áti,

ok Beimuni,

Auðmundr, Guðmundr,

Atall og Gestill,

Geitir, Gauti,

Gylfi, Sveiði.

 

2.

Gæir, Eynefir,

Gaupi og Endill,

Skekkill, Ekkill,

Skefill ok Sölvi,

Hálfr ok Hemlir,

Hárekr ok Gorr,

Hagbarðr, Haki,

Hrauðnir, Meiti.

 

3

Hjörólfr ok Hrauðungr,

Högni, Mýsingr,

Hundingr, Hvítingr,

Heiti, Mævill,

Hjálmarr, Móir,

Hæmir, Mævi,

Róði, Rakni,

Rerr ok Leifi.

 

4.

Randver, Rökkvi,

Reifnir, Leifnir,

Næfill, Ræfill,

Nóri, Lyngvi,

Byrvill, Kilmundr,

Beimi, Jórekr,

Ásmundr, Þvinnill,

Yngvi, Teiti.

 

5.

Virfill, Vinnill,

Vandill, Sölsi,

Gautrekr ok Húnn,

Gjúki, Buðli,

Hómarr, Hnefi,

Hörvi, Sörvi.

Sékk-at ek fleiri

sækonunga.

 

Jötnar I.

 

6.

Ek mun jötna

inna heiti;

Ymir, Gangr ok Mímir,

Iði ok Þjazi,

Hrungnir, Hrímnir,

Hrauðnir, Grímnir,

Hveðrungr, Hafli,

Hripstoðr, Gymir.

 

7.

Hraðverkr, Hrökkvir,

ok Hástigi,

Hræsvelgr, Herkir

ok Hrímgrímnir,

Hymir ok Hrímþurs,

Hvalr, Þrígeitir,

Þrymr, Þrúðgelmir,

Þistilbarði.

 

8.

Geirröðr, Fyrnir,

Galarr, Þrívaldi,

Fjölverkr, Geitir,

Fleggr, Blapþvari,

Fornjótr, Sprettingr,

Fjalarr, Stígandi,

Sómr ok Svásuðr,

Svárangr, Skrati.

 

9.

Surtr ok Stórverkr,

Sækarlsmúli,

Skærir, Skrýmir,

Skerkir, Salfangr,

Öskruðr ok Svartr,

Önduðr, Stúmi,

Alsvartr, Aurnir,

Ámr ok Skalli.

 

10.

Köttr, Ösgrúi

ok Alfarinn,

Vindsvalr, Víparr

ok Vafþrúðnir,

Eldr ok Aurgelmir,

Ægir, Rangbeinn,

Vindr, Víðblindi,

Vingnir, Leifi.

 

11.

Beinviðr, Björgólfr

ok Brandingi,

Dumbr, Bergelmir,

Dofri ok Miðjungr,

Nati, Sökmímir.

Nú er upp talið

ámáttligra

jötna heiti.

 

Tröllkonur.

 

12.

Skal ek trollkvenna

telja heiti:

Gríðr ok Gnissa,

Grýla, Brýja,

Glumra, Geitla,

Gríma ok Bakrauf,

Guma Gestilja,

Grottintanna.

 

13.

Gjálp, Hyrrokkin,

Hengikefta,

Gneip ok Gnepja,

Geysa, Hála,

Hörn ok Hrúga,

Harðgreip, Forað,

Hryggða, Hveðra

ok Hölgabrúðr.

 

14.

Hrímgerðr, Hæra,

Herkja, Fála,

Imð, Járnsaxa,

Íma, Fjölvör,

Mörn, Íviðja,

Ámgerðr, Simul,

Sívör, Skríkja,

Sveipinfalda.

 

15.

Öflugbarða

ok Járnglumra,

Ímgerðr, Áma

ok Járnviðja,

Margerðr, Atla,

Eisurfála,

Leikn, Munnharpa

ok Myrkriða.

 

16.

Leirvör, Ljóta

ok Loðinfingra,

Kráka, Varðrún

ok Kjallandi,

Vígglöð, Þurbörð,

viljum nefna

Rýgi síðast

ok Rifingöflu.

 

Þórr.

 

17.

Þórr heitir Atli

ok Ásabragr,

sá er Ennilangr

ok Eindriði,

Björn, Hlórriði

ok Harðvéorr,

Vingþórr, Sönnungr,

Véoðr ok Rymr.

 

Synir Óðins.

 

18

Burir eru Óðins

Baldr ok Meili,

Víðarr ok Nepr,

Váli, Áli,

Þórr ok Hildólfr,

Hermóðr, Sigi,

Skjöldr, Yngvifreyr

ok Ítreksjóð,

Heimdallr, Sæmingr,

Höðr ok Bragi.

 

Jötnar II.

 

19.

Enn eru eftir

jötna heiti:

Eimgeitir, Verr,

Ímr, Hringvölnir,

Viddi, Víðgrípr,

Vandill, Gyllir,

Grímnir, Glaumarr,

Glámr, Sámendill.

 

20.

Vörnir, Harðgreipr

ok Vagnhöfði,

Kyrmir, Suttungr

ok Kaldgrani,

Jötunn, Óglaðnir

ok Aurgrímnir,

Gillingr, Gripnir,

Gusir, Ófóti.

 

21.

Hlói, Ganglati

ok Helreginn,

Hrossþjófr, Durnir,

Hundálfr, Baugi,

Hrauðungr, Fenrir,

Hróarr ok Miði.

 

Æsir.

 

22.

Enn skal telja

ása heiti:

Þar er Yggr ok Þórr

ok Yngvifreyr,

Víðarr ok Baldr,

Váli ok Heimdallr,

þá er Týr ok Njörðr,

tel ek næst Braga,

Höðr, Forseti,

hér er efztr Loki.

 

Ásynjur.

 

23.

Nú skal ásynjur

allar nefna:

Frigg ok Freyja,

Fulla ok Snotra,

Gerðr ok Gefjon,

Gná, Lofn, Skaði,

Jörð ok Iðunn,

Ilmr, Bil, Njörun.

 

24.

Hlín ok Nanna,

Hnoss, Rindr ok Sjöfn,

Sól ok Sága,

Sigyn ok Vör.

Þá er Vár, ok Syn

verðr at nefna,

en Þrúðr ok Rán

þeim næst talið.

 

25.

Grét ok at Óði

gulli Freyja.

Heiti eru hennar

Hörn ok Þrungva,

Sýr, Skjalf ok Gefn,

ok it sama Mardöll.

Dætr eru hennar

Hnoss ok Gersimi.

 

Valkyrjur.

 

26.

Enn eru aðrar

Óðins meyjar:

Hildr ok Göndul,

Hlökk, Mist, Skögul,

þá er Hrund ok Eir,

Hrist, Skuld talið.

Nornir heita,

þær er nauð skapa,

Nift ok Dísi

nú mun ek telja.

 

Kona.

 

27.

Snót, brúðr, svanni,

svarri, sprakki,

fljóð, sprund, kona,

feima, ekkja,

rýgr, víf ok drós,

ristill, sæta,

man, svarkr ok hæll,

mær ok kerling.

 

Maðr.

 

28.

Már er at segja

manna heiti:

greppar ok gumnar

gumar ok drengir,

gotnar, rekkar,

garpar, seggir,

sveit, snillingar

ok sælkerar.

 

29.

Bragnar, þegnar

beimar, hölðar,

firar ok flotnar,

fyrðar, hölðar,

föruneyti, drótt,

flokkr, harðmenni,

kníar ok kappar,

kenpur, nautar.

 

30.

Öld ok ærir

ok afarmenni,

liðar ok lofðar,

lýðr ok sagnir,

ljóðr, oflátar,

ljónar ok ferðir,

mildingr, mæringr,

mannbaldr, spekingr.

 

31.

Þá er glæsimaðr

ok gullskati,

auðkýfingar

ok oflátar,

herr ok helmingr

ok höfðingjar,

fólk ok fylki,

fundr, almenning.

 

32.

Nú er þröng ok þyss,

þorp, auðskatar,

drótt ok syrvar,

dúnn, prýðimenn,

sögn ok samnaðr,

seta, stertimenn,

fjörr ok brjónar.

 

33.

Enn eru eftir

aldar heiti,

hirð ok gestir

ok húskarlar,

inndrótt ok hjón,

ef ek allt segi,

rúni ok þófti

ok ráðgjafi.

 

34.

Innhýsingar,

aldaþjóftar,

sessi ok máli,

serlar ok fylgðir,

þá er félagar

ok frændr saman,

vinr, einkili,

verðung, halir.

 

35.

Ái ok áttungr,

afi, sonr, faðir,

bróðir, barmi,

blóði ok lifri,

jóð, burr, nefi

ok arfuni,

þá eru hlýrar

ok höfuðbaðmar.

 

36.

Niðr, hleytamaðr,

niðjungr ok barn,

konr ok kynkvísl,

kundr, ættbogi,

mögr, málunautr,

mágr ok spjalli,

ættbaðmr, ættslóð,

ofsköft ok sveinn.

 

37.

Sessunautar

ok sifjungar,

afspringr er þá

ok ættstuðill,

þá er ráðunautr

ok ráðgjafi,

þjónar, þrælar,

þírr, önnungar,

verkmenn, kefsar

ok vílmegir.

 

Orrosta.

 

38.

Þau eru heiti:

hjaldr ok rimma,

göll, geirahöð

ok geirþriful,

róg ok róma,

randgríðr ok storð,

svipul ok snerra,

sig, fólk, jara.

 

39.

Sóta, morð ok víg,

sókn, dólg ok ógn

dynr, gnýr, tara,

drima ok ímun;

þá er orrosta

ok örlygi,

hríð ok etja,

herþögn, þrima.

 

Sverð.

 

40.

Ek mun segja

sverða heiti:

hjörr ok hrotti,

höguðr, dragvandill,

gróa, gramr, gellir,

gjallr ok neðanskarðr,

sigðr ok snyrtir,

sómi, skjómi.

 

41.

Skálkr, skerkir, stúfr,

skrýmir, laufi,

öltírr, langbarðr

ok ormþvari,

leggbiti ok kýrr

ok Leifnis grand,

herberi, hneitir

ok hafrakan.

 

42.

Lotti, hrönduðr,

lögðir, mækir,

mönduðr, mundriði

ok mistilteinn,

málmr, þrór ok marr

om miðfáinn,

fetbreiðr, grindlogi

ok fjörsoðnir.

 

43.

Vægir, veigarr,

vallangr ok brandr,

verr, úlfr, valnir,

vindbjartr ok kvöl,

askr, angrvaðill,

eggjumskarpi,

svipuðr ok svipaljótr,

salgarðr, hnefi.

 

44.

Hvati, höfuðhvessingr,

hausamölvir,

hrævagautr, herbrái

ok holdmímir,

bensogr, brigðir,

brimir, huglognir,

skyggðir, skreyfir,

skarðr, grindlogi.

 

45.

Mimungr ok fellir

ok málvitnir,

taurarr, hrævarðr,

trani, vindþvari,

liðnir, kvernbiti,

ljómi, herðir,

vitnir, ýfrir,

veggjalestir.

 

46.

Skelkvingr, fylvingr,

flæmingr, skerðingr,

skotningr, skilfingr,

sköfnungr, rifjungr,

brotningr, hvítingr,

bæsingr, tyrfingr,

hækingr ok hingr,

hittask mun nættingr.

 

47.

Logi ok mundgjallr,

langhvass ok eldr,

örn ok eygir

ok naglfari,

brigðir, mörnir,

blær ok skerðir,

hyrr ok helsingr,

hríðir, atti.

 

48.

Fellir, fölvir,

fáfnir, raufnir,

imnir, eimnir,

afspringr, þinurr,

sigðir, snyrtir,

svelgr, skarr ok nár,

góinn, gestmóinn,

gárr, þrimarr, níðhöggr.

 

49.

Oddr, blóðvarta

ok benknúar,

blóðrefill, blóðvarp

ok blóðiða,

blóðvaka, ljúgfengr

ok blóðhnefi,

iðvarp ok brandr,

eggteinar, fólk.

 

50.

Emjar, þremjar

ok Ölröðarnautr,

merki, véttrim

ok missifengr,

ánn ok skafningr,

undirdregningr,

vargr, Kaldhamarsnautr,

valböst ok herðr.

 

51.

Sverð ok gelmingr

ok samnagli,

hugró, sigrhnoð,

hjalt ok tangi,

mundríðr, höggfáðr

ok meðalkafli.

 

Öx.

 

52.

Öx, jarðhyrna

ok járnsparða,

skjáfa ok skekkja,

skráma ok genja,

reginspönn, gnepja,

gýgr ok fála,

snaga ok búlda,

barða ok vígglöð,

þveita ok þenja,

þá er arghyrna,

hon er efzt talið

öxar heita.

 

Spjót.

 

53.

Darr, spjót ok nöt,

döf, lenz ok vigr,

snata, fleinn ok sváf,

sviða, hræmæki,

geirr, spjör, nata,

gefja, kesja,

gaflak, frakka,

gungnir, peita.

 

Ör.

 

54.

Ör er ok akka,

oddr, hvítmýlingr,

fenja ok drífa,

flaug, dynfara,

bösl, böl, bílda,

broddr ok hremsa,

gögnflaug ok þrös,

gögn ok skaftsnör.

 

55.

Flugglöð, flugsvinn,

fífa ok skeyti,

geta skal Fenna

ok Gusissmíðis,

Jólfs smíði er,

en efzt þura.

 

Bogi.

 

56.

Álmr, dalr, bogi,

ýr ok tvíviðr,

sveigr, glær ok þrymr,

sómr, skálgelmir.

Enn kvað ek heita

öll vápn saman:

járn, ör ok slög,

ísarn ok spjör.

 

Skjöldr.

 

57.

Skjöldr, þrunginsalr,

skaunn, salbendingr,

bugnir, hlébarðr

ok buklari,

vétlimi, targa,

veðrglaðr ok hlíf,

víðbleiknir, rít,

vígglaðr ok lind.

 

58.

Gjallr, döggskafi

ok gimskýlir,

böðljós, grýta

ok böðskýlir,

svalinn ok randi,

saurnir, borði,

skuttingr, barði,

skírr, tvíbyrðingr,

örlygr ok svarmr,

eilífnir, heiðr,

baugr, fagrbláinn,

bera, miðfjörnir.

 

Hjálmr.

 

59.

Hrofts hattar skal ek

heiti segja:

hjálmr, gullfáinn,

hrönn, valhrímnir,

hallhrímnir, skólkr

ok hlífandi,

fjörnir, þokki

ok fíkmóinn

hildigöltr, kellir,

herkumbl ok velgr,

gríma, ægir,

glævir, stefnir.

 

Brynja.

 

60.

Brynja, kund, hjálmgöll,

hrauð ok náin,

köld, Finnsleif,

böðfara, þýð, sýn

ok blóðleika.

 

Sær.

 

61.

Sær, sílægja,

salt, ægir, haf,

lögr, sumr, lægir,

lagastafr ok vágr,

gjallr, gnap, geimi,

gnarr, svífr ok marr,

súgr, sog, sami,

svelgr, röst ok fjörðr.

 

62.

Sund, ögr, velfærr,

simi ok víðir,

hríð, ver, breki,

húm, flóð ok brim,

græðir, glýjuðr,

gymir ok vægir,

gniðr ok órór,

gjálfr, fen, snapi.

 

63.

Gnat, vörr, vika,

vöst, hóp ok mið,

vatn, djúp ok kaf,

vík, tjörn ok sík,

stormr, díki, hylr,

straumr, lækr ok bekkr,

áll, bruðr, kelda,

iða, fors ok kíll.

 

64.

Hefring, alda,

hvíting ok lá,

hrönn, rán, kólga

ok himinglæva,

dröfn, uðr ok sólmr,

dúfa, bylgja,

boði ok bára,

blóðughadda.

 

Ár.

 

65.

Gjöll, glit, gera,

glóð ok valskjálf,

ván, víð, vimur,

ving ok ýsa,

síð, suðr, freka,

sækin, einstika,

elfr, ró, ekla,

ekin, rennandi.

 

66.

Þyn, rín ok nið,

þöll, rimr, ysja,

dun, ógn, dýna,

dyn, höllfara,

órun ok brá,

auðskjálg, lodda,

mun, merkriða,

mein, saxelfr.

 

67.

Tífr, durn, vína,

tems, vönd ok strönd,

mörn, móða, þrym,

morn ok gautelfr,

alin, uðr, ólga

ok evfrátes,

ógn, eiðrennir

ok apardjón.

 

68.

Rögn, hrönn ok raun,

raumelfr, hnipul,

hnöpul, hjálmunlá,

humra, vína,

vil, vín, vella,

valin, semð, salin,

nepr, dröfn, strauma,

nis, mynt, gnapa.

 

69.

Gilling ok níl,

ganges, tvedda,

luma, vervaða,

leira ok gunnþró,

iðsvöl, vegsvinn,

yn, þjóðmuna,

fjörm, strönd ok spé

ok fimbulþul.

 

70.

Nyt, hrönn ok nauð,

nöt, slíðr ok hríð,

körmt, leiftr ok örmt,

kerlaugar tvær,

gömul, sylgr ok yn

ok geirvimul,

ylgr, vöð ok flóð,

jórdán er á lesti.

 

Fiskar.

 

71.

Lax ok langa

lýsa, brosma,

birtingr, hæingr,

bust ok hrygna,

humarr, hrognkelsi,

hveðnir, flóki,

ölunn, aurriði

ok andvari.

 

72.

Síld, seiðr, skata,

síl, reyðr ok öggr,

skreiðungr ok síkr,

skálgi, flyðra,

fyldingr, styrja

ok fuðryskill,

hámerr, steinbítr

ok háskerðingr.

 

73.

Fjörsungr, þrömmungr

ok fengrani,

hamarr, sandhverfa

ok horngæla,

marknútr, glömmungr

ok marþvara,

sílungr, skelfiskr,

sverðfiskr ok lýr.

 

74.

Þyrsklingr, ufsi,

þorskr, vartari,

grunnungr, gedda,

gjölnir, keila,

áll ok karfi,

krabbi, geirsíl,

hár ok goðlax,

hornsíl, igull.

 

Hvalir.

 

75.

Hafrhvalr, geirhvalr

ok hafgufa,

hnísa, hafstrambr

ok hnýðingar,

reyðr, reyðarkálfr,

búrungr, rostungr

ok blæjuhvalr.

 

76.

Norðhvalr, kýrhvalr,

náhvalr ok leiftr,

skeljungr, fiskreki

ok skútuhvalr,

sléttibaka, skjaldhvalr

ok sandlægja,

hrosshvalr, andhvalr,

hrafnreyðr ok vögn.

 

Skip.

 

77.

Nú mun ek skýra

of skipa heiti:

örk, árakló,

askr, sessrúmnir,

skeið, skúta, skip

ok skíðblaðnir,

nór, naglfari,

nökkvi, snekkja.

 

78.

Byrðingr, búza,

barðkaldr ok hreinn,

bakki, hömlungr,

hélugbarði,

röst, bátr ok regg,

röð, hringhornir,

lung, kjóll, langskip,

leifnir, karfi.

 

79.

Hringr, gnóð, freki,

hrauð, móðrói,

hemlir, barði

ok hylbauti,

ugla, leðja

ok askvitull,

kæna, ketla,

kati, reið ok skálpr.

 

80.

Knörr, kuggr, knúi,

keipull, eikja,

dreki, elliði,

drómundr ok prámr,

fura, vigg, galeið,

ferja, skálda,

fley, flaust ok þekkr,

fartíðr ok lið.

 

81.

Segl, skör, sigla,

sviðvíss, stýri,

sýjur, saumför,

súð ok skautreip,

stag, stafn, stjórnvið,

stuðill ok sikulgjörð,

snotra ok sólborð,

sess, skutr ok strengr.

 

82.

Söx, stæðingar,

svipting ok skaut,

spíkr, siglutré,

saumr, lekstólpar,

laukr, siglutoppr,

lína, eyru,

flaug, flaugarskegg

ok farnagli.

 

83.

Húnn, húnbora

ok hjálmunvölr,

húfr, hlýr, hrefni

ok hálsstefni,

hefill, háls, hanki

ok höfuðbendur,

háir, hæll, hamarr,

hjálpreip ok lík.

 

84.

Rá, rakki, rif,

rengr ok hömlur,

vindáss, vengi,

vöndr, langnefjur,

völt, beitiáss,

varta, brandar,

bitar, bóglína,

búlkastokkar.

 

85.

Barð, kné, byggði,

belti ok kinnugr,

kjölborð, keili

ok kjölsýja,

kraftar, kerling,

klær ok þóftur,

kjalreip, þrimir,

klofar ok þiljur.

 

86.

Drengir, dragreip,

dæla, árar,

aktaumar, rær,

arinn ok nálar,

aurborð, kjalarhæll

ok akkeri,

hnakkmiði, austker

ok húnspænir.

 

Jörð.

 

87.

Jörð, fjörn, rofa,

eskja ok hlöðyn,

gyma, sif, fjörgyn,

grund, hauðr ok rönd,

fold, vangr ok fíf,

frón, hjarl ok barmr,

land, bjöð, þruma,

láð ok merski.

 

88.

Holt, háls ok fjöll,

hlíð ok leiti,

hóll, heiðr ok hvilft,

hváll ok brekka,

hró, dalr ok völlr,

hvammr ok tunga,

mold, flag, rimi,

mór, laut ok sandr.

 

Uxi.

 

89.

Enn skal segja

öxna heiti:

árvakr, drjóni

ok jörmunrekr,

simi, freyr, reginn,

smiðr, eyþvari,

rauðr ok rekningr

ok rökkvihliðr,

viggi, bautuðr,

vingnir, stjóri.

 

90.

Himinhrjóðr, simir

ok harðfari,

hæfir, digni,

hjölluðr, simull,

hliðr, stúfr ok litr,

hríðr, forsimi,

arfr, jörmuni

ok eikismiðr.

 

91.

Gneisti, apli,

gollinhorni,

auðr, kvígr, öldungr

ok arfuni,

griðungr, ólgr, gellir,

glymr ok hreiði,

tíðungr, boli,

tarfr, aurgefinn.

 

Kýr.

 

92.

Kýr heitir skirja,

kvíga ok frenja

ok auðhumbla,

hon er elzt kúa.

 

Hrútr.

 

93.

Hrútr, ofrhyrningr,

hornumskváli,

gumarr, hornglóinn

ok gjaldhróinn,

hveðurr, hornglói,

hallinskíði,

berr, hornhróinn

ok heimdali,

bekri, miðjungr,

blær, mörðr ok veðr.

 

Hafr.

 

94.

Hafr heitir grímnir

ok geirölnir,

tanngnjóstr, kjappi

ok tanngrisnir,

skimuðr ok brúsi,

bokkr, grímr taliðr.

Heitir ok heiðrún,

haðna ok kiðlingr,

er kolmúla

ok kið saman.

 

Björn.

 

95.

Björn, bersi, bólmr,

bera, elgviðnir,

blájaxl, ísólfr

ok breiðvegi,

bestingr, bassi,

balti, hlébarðr,

úfr, frekr, vilnir,

jórekr, mösni,

fetvíðnir, húnn,

fress, vetrliði,

íugtanni, jálfuðr,

ifjungr, vilskarpr.

 

Hjörtr.

 

96.

Hjörtr, dyraþrór,

hliðr, eikþyrnir,

duneyrr, dáinn,

dvalarr, mótroðnir.

 

Göltr.

 

97.

Göltr, valglitnir,

gríss ok hrímnir,

svíntarr, runi,

sæhrímnir, börgr,

rái, valbassi,

röðr, dritroði,

þrór, vigrir, skunpr,

þrándr, vaningi.

 

Úlfr.

 

98.

Vargr, úlfr, geri,

vitnir, grádýri,

hati, hróðvitnir

ok heiðingi,

freki ok viðnir,

fenrir, hlébarðr,

goti, gildr, glammi,

gylðir, ímarr,

ímr ok eggðir

ok skollkini.

 

99.

Enn heitir svá:

ylgr, vargynja,

borkn ok íma,

... svimul.

 

Himnar.

 

100.

Níu eru himnar

á hæð talðir.

Veit ek inn neðsta,

sá er vindbláinn,

sá er heiðþyrnir

ok hreggmímir,

annarr heitir

andlangr himinn,

þat máttu skilja,

þriði víðbláinn,

víðfeðmi kveð ek

vera inn fjórða,

hrjóðr ok hlýrni

hygg ek inn sétta,

gimir, vetmímir,

get ek nú vera

átta himna

upp of talða,

skattyrnir stendr

skýjum efri,

hann er útan

alla heima.

 

Sól.

 

101.

Sól ok sunna,

sýn, fagrahvél,

leiftr, hrjóðr, leika,

líknskin, röðull,

leiftr, ifröðull

ok ljósfari,

drífandi, álfröðull

ok Dvalins leika.