Íslenzkar þjóðsögur og æfintýri/Draugasögur/Kalt er á kórbak

Íslenzkar þjóðsögur og æfintýri
„Kalt er á kórbak“

Jón hefur einu sinni maður heitið sem kallaður var flak. Orðsök til viðurnafns hans var að hann hafði stolið riklingsflaki úr hjalli. En eftir dauða hans og greftrun heyrðist kveðið á baðstofuglugga á bæ einum þá myrkt var orðið, stef þetta með dimmri röddu:

Kalt er á kórbak;

kúrir þar Jón flak.

Ýtar snúa í austur og vestur

allir nema Jón flak,

allir nema Jón flak.