Íslenzkar þjóðsögur og æfintýri/Kímnisögur/Bæn klerksins

Íslenzkar þjóðsögur og æfintýri
Bæn klerksins

Einu sinni gjörði prestur nokkur vess og söng það af prédikunarstól, en aðrir segja fyri útgönguvess, og látið syngja:

Þurra veðráttu og þæga tíð

þú mátt gefa oss öllum.

Það má nú heita harmastríð

að heyið fúnar á Völlum.

Engin bæði og úthaginn

allur í vatni flýtur

til alls ónýtur.

Afdráttur kvenna og afli minn

atlar að verða skítur.